Bhai Khyaal Rakhna

mai ho chali vida ek naye ghar ko

piche reh gya angaan mera aur apne

toh, bhai tum khyal rakhna.

khyal rakhna inki subah ki davai ka

jo ye aksar bhul jate hai

baatein roj karna inse, kisse sunne sunane ko

koi milega nahi inse behtar tumhe, zindagi jeene ka tarika sikhane ko.

khyal rakhna inke aaram ka, jiska ye kabhi bhi dhyan nahi rakhte hai

khyal rakhna inke jazbato ka jinko ye chupa ke rakhte hai

andar se mom hai bas upar se sakthi ka naqab pehente hai

hamari har choti badi khwaish ka ye pura andaaz rakhte hai

kabhi agar daant bhi de, phir bi na palat k kabhi unko jawab dena

bhai papa ka khyal rakhna.

khyal rakhna inki sehat ka, jinpe ye bilkul bhi dhyan nahi deti hai

khyal rakhna inke khane ka, jo ye bas dusro ko khilati hai

dost banke ye tumko samjhayengi bhi, rishto ko sahejna tumko yahi sikhayengi

papa se keh kar tumhari har zidd ko pura bhi yahi karwayengi

bahut logo se jhujti ayi hai ye hamari aur parivar ki khushi k liye

kai baar to apne aap se bhi ladd baithi hai, apni ichao se picha chudate huye

tum bhi inki choti choti khwaisho ko piro k rakhna

bhai maa ka khyal rakhna.

khyal rakhna apni khushi ka aur na hi bas apne tak rakhna

jo mann me aye koi baat to saralta aur pyar se baat karna

hain tumpe ab zimmedari na hi apni par auro ki bhi

par jab kabhi lagne lage ye bhoj, samay lena, aur upay karna

vichlit mann se na hoye kabhi kaam ache, ye tum hamesha yaad rakhna

uchaiya tumhe chuni hai abhi bahut, par jadd pe apni pakad majboot rakhna

dur hui to kya hua, jo mann kare to phone karke hi ladd lena

bhai jyada nahi to thoda apna bhi khyal rakhna.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s